Navro’z umumxalq bayrami mamlakatimizda “Qadriyatlaring boqiy bo’lsin, Navro’z!” degan bosh g’oya
asosida umumxalq sayillari shaklida keng nishonlanmoqda. Xususan, bugun 20-mart kuni Farg’ona
viloyatining Yangi O’zbekiston massivi Eko shaharda ushbu bayram keng nishonlandi, bayram
sayllarida viloyat hunarmandlari ham o’z mahsulotlari bilan munosib ishtirok etdilar.
Ma’lumki, joriy yilning sentyabr oyida Qo’qon shahrida an’anaviy III-Xalqaro hunarmandchilik
festivali o’tkaziladi. Mazkur bayram sayllarida festivalga puxta tayyorgalik ko’rayotgan va o’z
yo’nalishlari bo’yicha kreativ yangiliklar yaratayotgan hunarmandlar «Men Qo’qonga boraman» shiori
ostida o’tkazilgan konkursida g’olib bo’ldilar. G’oliblar «Hunarmand» uyushmasi Farg’ona viloyati
boshqarmasi tomonidan Diplom va esdalik sovg’alari bilan taqdirlandilar.
